بسم الله الرحمن الرحيم
حلمت حوالي خمسه احلام ياشيخ ورا بعض عن شخص واحد............
اسمي من الانس ويعني الملاطفه والرؤيا كلهافي هذا الشتاء وعلى أخر اسبوع في المراجعه واول اسبوع في الاختبارات وانا طالبه ثاني ثانوي قسم علمي وانا صاحبة الرؤيا وغير متزوجه واعيش في جده
1
حلمت اني في بيت جدي المتوفى واسمه علي في الدور الرابع في الملحق واني شفت صاحبتي حنين وشعرها اصبح مقصوص زي لما يقص الولد على رقم واحداواثنين ولما شفتها فرحت ورحت اسلم عليها بس ماكانت ملهوفه علي ووجهها فيه بقع لونها اسود فاتح شوي وكأنها تعبانه ومعاها بنت تقريبا عمرها 4سنوات حلوه وبعدين راحت السطوح وعلى ان الدوره الشهريه جتني وبانت في طرف ملابسي وانا كنت لابسه روب وجا اخوي خالد وقالي عندك الويز وكأنه هو اللي يبيها وكان مستحي ( خجول ) فقلتله لا فناداني بعدها وليد ولد خالي ابو بكر ودخلني الغرفه حاليا هي غرفة خالي محسن وقالي ترى الدوره عليك فاستغربت كيف هو ولد ويقولي كذا فخرجت على اساس اني بروح بنظف نفسي ومريت على صاحبتي لقيتها جالسه هي وكم وحده بس هي اللي كانت واضحه وكلمتها بس ناسيه اش قلتلها وبعده كأني نازله من الدورالرابع من العماره ونازله الدرج مع العلم ان درج بيت جدي رخام لونه ابيض وفيه خطوط باللون الاسود ودرجاته بس في الحلم مابان الا بداية الدرج اللي في الدور الرابع ولما وصلت الدور الارضي تغير شكل الدرج وصار الدرج شكله نفس اللي في بيتنا القديم اصفر ليموني ولما تغير شكل الدرج صار ينزل معي ولد خالي (( محمد )) وولد عمة امي (( عمر )) وكنت لابسه عباتي ومحمد ماكان واضح و عمر كان واضح وكان لابس بنطلون ابيض وبلوزه سوداء وانا كنت لابسه عبايتي واحنا نازلين كنت امزح مع محمد واقوله ابعد ابغى امشي وهو مايبغى بس كان مزح ولما بقي كم درجه نزل محمد بسرعه وجيت ابنزل صار عمر يضيق علي الدرج( وصار الدرج يطول مره ثانيه) يبغى يمزح معي وهو قاعد يضيق علي كنا لسا انا وياه ننزل في الدرج لكن محمد واقف وكنت انا اناظرعمر بنظرات تعني ( كيف تتجرأ وتمزح معي انا ماابي امزح معك ) وهو يبتسم ابتسامه تبين اسنانه ومستحي (خجول) مع العلم انه كان معطيني مقفاه بس شفت الابتسامه .................... هذا اللي اتذكره
2
حلمت اننا مسافرين انا وامي واسمها من المزن وامرأة خالي حسين واسمها من الصبح واختي الصغيره هنادي واخوي الكبير سعيد ومعانا (عمر) بالسياره القديمه كابريس وكان لابس بنطلون والطريق كان مظلم وعلى جوانبه صخور بس فيه انوار صفراء قويه تنوره وكان عمر اللي يسوق بس كنا حاسين بضيق وكنت انا جالسه وراه وقام اخوي ونزل من السياره عشان نتوسع (بيكمل مشي بس اذا حصل سياره بيركب فيها ويلحقنا ) فقلت انا لواعطوني كنوز الارض مامشيت وحدي في هالمكان وبعدها صارت اختي جالسه قدام وقامت امي سألت عن اخوي ولما سألت مرينا من جنب سياره باص النقل الجماعي وشفناه فيها بش انا ماشفت اخوي شفت اخوي كأنه عمر وعرفته من نظارته وبعدين وصلنا مكان الناس فيه بسيطين ونزل عمر وهو معصب وصار لابس ثوب ابيض وراح ومسك خادمة اخته واسمها فاطمه والخادمه اسمها حميده ويبغى يقطع يدها بالسكين واليد الثانيه كان بيقطعها واحد ما ادري مين هو وهي ساكته ولمابدا بيقطع بالسكين صرخت في وجهه بكلمة لا ففكها على طول ولما ابقول لليقطع يدها الثانيه وقف لقيته قد قطع كف يدها لكن مانزل دم بس شفت يدها المقطوعه من جوه كلها لحم لونه وردي ومافيه عظم ومفتت من يدها شي يشبه الشمع واللي قطعهاقد راح وماشفت غير جزء من لبسه وكان لونه ازرق ......................هذا اللي اتذكره
3
حلمت اني نزلت للشارع وكان فيه دكاكين ومنهم دكان للجدي المتوفي واسمه علي مقسم ثلاث اقسام اللي يشوفه كانها ثلاث دكاكين الجهه الولى واقف فيها عمر والجهه الثانيه واقف فيها اخوي خالد والجهه الثالثه واقف فيها ولد خالي محسن واسمه عبدالرحمن او ولد خالتي جميله واسمه محمد وكان فيه دباب ابيض وكان خالد يقولي هذا حقك ولما رحت بجيبه اتجه ا خالي عمر زوج اخت عمرجهة الدباب ليأخذه فقالي اخوي بسرعه خذيه قبله فاسرعت في مشيتي واخذته قبله وكان الكل يبيه عشان يبيعه فكنت محتاره اعطيه مين مع ان في نفسي كنت ابي اعطيه خالد اخوي وبديت امشي من عند عمر بس من بعيد فأشرلي اشاره بسيطه باني اعطيه الدباب وبعد ماشرلي حط يده اليمين اللي اشربها ورا راسه وهو مبتسم بحيث ان اسنانه اقدر اشوفها ومستحي ( خجول )فتجاهلته ورحت عند آخر قسم من اقسام الدكان ووقفت ومعاي الدباب وجا عمر وكان فيه واحد ثاني بس الواضح عمر وكان مبتسم ايضا ابتسامه اقدر اشوف فيها اسنانه ومستحي ( خجول ) وانا اناظره مستغربه واخذت الدباب ومريت من عنده وشميت ريحه مو حلوه وهولسا مبتسم واعطيت الدباب اخوي مع العلم اني كنت ادور اللي يمسك الدباب عنده ومايبيعه لان الكل كان يبيه عشان يبيعه بس اخوي باعه وصار ماسك في يده قطعه صغيره الكترونيه في يده اليمين ورافعها فرحان وكأني سمعت احد يقول ...بدينا...او...من اولها..او...هذي اخرتها
4
الشخص اللي اسمه (عمر) اصبح خاطب وغير مملك الحين وانا حلمت ان الاهل يقولون ان ملكته او خطبته بعد شهر
5
حلمت ان الاهل يقولون ان بيفسخ الملكه او الخطبه بعد اسبوعين....مع العلم ان عمر لما خطب كانت صدمه للعيله ومحد فرحله الفرحه المعروفه من العيله مع ان العيب مو بالبنت العيب بالاب
وحلمت ياشيخ بعد كل هالاحلام
ان ابوي نازل من المجلس حقنا وكانت انواره صفراء وقويه وهو مستحي ( خجول) ومبتسم بحيث ان اسنانه تبيّن وعلى ان عندنا ضيوف ويقول تفشلت او فشلتوني ماقدمتلهم لحم او قدملتهم لحم مااذكر بالضبط وانا كنت مستغربه بعد كل اللي سويناه ماعجبه ويقول انه متفشل
مواضيع مميزة
تكرر الحلم معي خمس مرات في نفس الشخص
العرض العادي
